Hoor jy die paddas wat simfonies kwaak
krieke wat bene vryf om liefde te praat
muggies wat vluggies in jou gesig pla
‘n tarentaal skrik iewers en gil en kla…
Ruik jy die aandlug vars in jou hart,
ruik jy die water in die vlei wat praat
die taal van die vlei wat fluister in die aand
kom luister en ruik met my, hand aan hand…
Ek sit in my woonstel
‘n motorfiets brul verby
ruik my wierook en
droom die aand verby
maak my oe toe en verbeel my
ek is daar
en as ek mooi luister word my droom ‘n bietjie waar…
Vat my hand, hou jou ogies toe
my vleitaal moet jy luister
al is dit net hoe
– ek die vlei as kind kan onthou
memories sal my ewig in die vlei hou.
Die droom van ‘n natuurkind
kan ‘n stad nooit uitwis
so neem my hand, kom ons vlug
en jy sal hoor hoe tarentaal roep
en biessies wat bewe in die nagwind wat groet…
(c) 2014 Allen Simpson
Uit my eerste bundel ‘Tales from the Flow’
wolfshadowwhispers 
Februarie 11, 2014 at 2:49 nm
Oooeeee dis mooi taal Wolfie – sorg vir n glimlag van die eerste reel af!!!! Dis ook my taal…….. met die dat ek n plaasmeisie en plotvroutjie was. Hier in Potch hoor mens skemertyd die tarentale. ‘Hoor jy die paddas wat simfonies kwaak krieke wat bene vryf om liefde te praat….. Die taal van die vlei wat fluister in die aand. Kom luister en ruik met my, hand aan hand…’. So pragtig verwoord Wolfie, baie dankie vir die deel!
LikeLike
Februarie 11, 2014 at 6:22 nm
Plesier en dankie vir die lees 🙂 Weet jy my gedig vleitaal is half gebore in Glenharvie en Fochville want as kind het ek baie rond gedwaal tussen die berge en daar in Glenharvie was ‘n vlei met riete gewees waarvan niemand geweet het nie (hulle het dit seker al weg gebou) en die plekkie het my geleer om die natuur lief te hê… en dit was nog toe ek 5 of 6 jaar oud was… vir jare het ek die vlei onthou en hy is in die gedig ingeskryf.
LikeLike
Februarie 11, 2014 at 8:46 nm
Daar le baie van jou voetspore naby Potch soos daar baie van my voetspore in Pretoria le. Ek kan in my geestesoog die klein seuntjie sien ronddwaal tussen die riete. Jou gedig is pragtig deurweef met vleitaal. Self as kind baie op die plaas rondgedwaal. Weet jy hoe heerlik soet smaak fonteinwater wanneer jy dit op jou maag direk uit die fontein le en drink?! 😀 Niks verkwik mens se siel soos Moedernatuur nie!! Maar DIT hoef ek jou nie te vertel nie my wolfievriend!!
LikeLike
Februarie 11, 2014 at 11:17 nm
Fonteinwater is hartswater…. mens nou mis ek die dae toe ek nog by die stroom se bron water gesluk het… ai… Moeder Natuur bly die beste
LikeLike
Februarie 12, 2014 at 8:39 nm
Sy sorg…….
LikeLike
Februarie 12, 2014 at 8:59 nm
😀
LikeLike
Februarie 13, 2014 at 10:01 nm
Daai stukkie van Moeder Natuur se hart sal altyd met jou wees en as jy verlang hoef jy net jou oë toe te maak…maar dít weet jy reeds!
LikeLike
Februarie 13, 2014 at 10:19 nm
Ek weet… en ek was vanaand daar 😉
LikeLike
Februarie 13, 2014 at 10:02 nm
Ek is gek oor hoe jy met woorde hier gespeel het!
LikeLike
Februarie 13, 2014 at 10:19 nm
Baie dankie, Tania
LikeLike
Februarie 15, 2014 at 11:43 vm
Ditto Tania!
LikeLike
Februarie 15, 2014 at 12:30 nm
Ag julle is awesome… Tania en Hanneliese mwah xxx
LikeLike
Februarie 16, 2014 at 10:47 vm
Komende van ons awesome woorde kunstenaar…..takes awesome to spot awesome!!
LikeLike
Februarie 16, 2014 at 1:12 nm
*bloos*
LikeLike