Tussen gister en vandag
raak my probleme
vergete
as my gedagtes dwaal
in die bloekomwoud
tussen nou en netnou
is daar ‘n oomblik
‘n huidige swanger oomblik
waar nuwe dinge wag
en my pen wil bloei
vir jou dit neerskryf
net vir jou
tussen my en jou
‘n miljoen woorde
wat krioel in my hart
tussen ons
net ons
my gedagtes loop
in die bloekomwoud
ek wolf, en jy jakkals,
wat trou
in reën en sonskyn
want tussen jakkals en wolf
lê geheime
wat net my pen kan sê
as my tong kruppelkruip
en my kniee jellie-verdrink in my gemoed
ja tussen my en jou
‘n miljoen woorde
wat krioel in my hart
tussen ons
net ons
gebore in ‘n bloekomwoud
(c) 2014 allen simpson
Foto en gedig gekopiereg
Die gedig is geinspireer deur die foto van die bloekomwoud wat ek geneem het
wolfshadowwhispers 
Junie 19, 2014 at 4:35 nm
Ek hou van jou blog se nuwe ‘look’.
Dis pragtige woorde Wolfie. Bloekombome vat my vêr terug na my kinderjare op die plaas. My Pa het altyd die bloekomblare gekook in ‘n toe kamer wanneer ons verkoue gehad het. Cor se ma het sy asmabors met bloekomolie gevryf en eers jare later uitgevind hy is allergies vir bloekom!!
‘as my tong kruppelkruip’ mooi woordekonomie
LikeLike
Junie 19, 2014 at 4:40 nm
Bloekom bome was nogaltyd na aan my hart vir my. Hulle is pragtig en toe ek asma gehad het in my kinderjare het iemand eendag die blare gekeus en onder my neus gehou met ‘n asma aanval en dit het gehelp.
Dankie vir die kompliment 🙂
LikeLike
Junie 20, 2014 at 6:08 vm
Ek is mal oor bloekombome! Elkeen het ‘n storie en daar is iets magies aan ‘n bloekomboom. Elke keer as ek bloekombome sien wat af gekap is, kry ek so ‘n diep pyn in my bors!
LikeLike
Junie 22, 2014 at 8:33 nm
Ja, ek het al gewonder, as hulle kon praat, watse stories ons sou hoor…
LikeLike
Junie 20, 2014 at 8:56 vm
Bloekombome/-bosse hou vir SA plaaskinders almal ‘n betowering in. Dit was as kind ook my stilwordplek op die plaas.
LikeLike
Junie 20, 2014 at 9:31 vm
Ek verloor myself altyd in ‘n bloekombos. 🙂 EK dink my vriendin Hanneliese dink al ek is mal, want elke keer as ons gaan kuier op haar broer se plaas moet ek fotos van die bloekom bos op die natuur reservaat neem. hehehehe
LikeLike
Junie 22, 2014 at 8:42 nm
Gelukkig is daar slotte aan die hekke, so jy sal nie heeltemal verlore raak nie Wolfie ;)… jy weet natuurlik, soort soek soort 😉 hehehe
LikeLike
Junie 22, 2014 at 8:45 nm
lol ja
LikeLike
Junie 22, 2014 at 8:35 nm
Dit is so….ons het altyd manna gaan optel, en soms was die witdingetjie nie manna nie…. ;D
LikeLike