Ek het nog altyd ‘n anderste oog gehad, het baie alleen in afsondering sonder maatjies op ver plekke gebly waar my gedagtes en die woude of bosveld (hang af waar ons gebly het) my vriende was…
ek het in die berge van Glenharvie
verlore geraak as kleuter
net ek en my hond
gekry was ek opgekrul
tussen kakiebos en klip
in Hammanskraal was ek die bosveld in
veldlikkewaan en sonbesie het my gelei
en krimpvarkies rondom my
die stilte was ‘n nimmereinde
en die maan was groter as ‘n god
ek het verdwyn soos ‘n wasem
in die bergmis van Magoebaskloof
tussen varings en denneboom
‘n deel van my hart verloor
my kinderdae was net natuur
en hier
in die stad met sy
vuilbruinblou lug
is dit my hart
wat dikwels na sulke plekke terug wil vlug
toe ek nog jonk was
is ek getoor
deur vars lug
en groen wat nooit ophou nie
toe ek nog jonk was
was televisie net ‘n droom
en ‘n bosveldloerie my radio
nou is ek amper in my winter
en nog roep die natuur my terug
(c) 2014 allen simpson
Oktober 7, 2014 at 8:20 nm
Ag jinne,jy het my sommer in trane,so mooi is dit!
LikeLike
Oktober 7, 2014 at 9:50 nm
Dankie Perdebytjie… ek was baie nostalgies toe ek die een geskryf het
LikeLike
Oktober 7, 2014 at 8:29 nm
Ai so uit jou hart geskryf Wolfie, dit vat aan my hart….
Wens ek het daai klein seuntjie geken…..so dankbaar en bevoorreg om nou in jou besonderse vriendskap te mag deel en jou woorddisse te kan geniet my liewe vriend ❤
You are my 'Poe' in Poetry 😉
'gekry was ek opgekrul
tussen kakiebos en klip'…….mal oor jou woord orde hier!
'die stilte was 'n nimmereinde
en die maan was groter as 'n god'
'ek het verdwyn soos 'n wasem
in die bergmis van Magoebaskloof
tussen varings en denneboom
'n deel van my hart verloor'
'nou is ek amper in my winter
en nog roep die natuur my terug'
So mooi…….grootse Godin Blessings vir jou Wolfie xxx
LikeLike
Oktober 7, 2014 at 9:51 nm
Dankie Hanneliese. Godin Blessings vir jou ook. Ek is net so bevoorreg om jou as vriendin te hê ❤
LikeLiked by 1 person
Oktober 7, 2014 at 10:44 nm
Dankie ❤
LikeLiked by 1 person
Oktober 8, 2014 at 7:04 vm
“nou is ek amper in my winter
en nog roep die natuur my terug” – dit klink so hartseer maar dis so mooi geskryf!
Deesdae het ek die behoefte om net te unplug en vir ‘n ruk ook weg te raak tussen “kakiebos en klip”
LikeLike
Oktober 8, 2014 at 11:52 vm
Baie dankie C! Ek is gelukkig, my vriendin en ook ‘n talentvolle blogger Hanneliese, vat my ater die maand vir my verjaarsdag na ‘n wild reservaat toe. Ek kan nie wag om te ‘unplug’ en weer in die natuur te wees nie.
LikeLiked by 1 person
Oktober 8, 2014 at 11:54 vm
Sjoe, dit klink fantasties!
Julle moet dit vreeslik geniet!
LikeLike
Oktober 8, 2014 at 12:37 nm
dankie 🙂 Ek weet ek gaan. Ek was al ‘n paar keer daar
LikeLiked by 1 person