My Afrikaans
ek het Jou innig lief

ek dink aan Jou kinders
in verre lande
treur Jy, My Taal?

my nefie, plat boer
ver in Perth
het Jou woorde vergeet
sy kinders se:
‘hello mate’

‘goeiemore’ is vergete
weggegooi
en Jy my Taal
in ‘n doringkroon getooi
en hier
die wond in Jou sy
is die toyi-toyi
geduring
dat jy MOET uit…

my Taal,
Jy sal bly
tot hulle Jou
uit my dooie stembande wurg
selfs dan
iewers
is my woorde
in boek
of Kuberruime
vir Jou

laat die oog sien
die oor hoor
ek vir Jou, my Afrikaans…

(c) 2013 allen simpson
vir Estelle Duvenhage
(omdat breyten breytenbach my inspireer het, dankie Estelle)

Advertisements