ek weet van drome wat stadiger loop as slakke
en die wrakke
van songebleikte beendere van verdwaalde hoop
lê
soms in die begrafplaas van die hart
maar
selfs in ‘n begrafplaas
kan jy blomme plant
nuwe lewe bring
hoop se beendere tooi
in die bloeisels van nuwe idees
geboorte skenk met jou hele siel
ek weet van drome wat stadiger loop as slakke
ek gee hulle blomme
want hulle sal uit kom waar hulle moet eendag
my hoop
kan
nie
regtig
vrek
nie
(c) 2014 allen simpson
geinspireer deur my awesome vriendin, Tania Meintjies, deur net te gesels met haar. Sy is ‘n awesome muse.
Vriendin, jy rock x
prentjie gekry op digital-art-gallery.com
Desember 7, 2014 at 1:01 vm
Awe, dis stunning! Dankie Allen, vir die cool gedig en die mooi woorde! Ek gaan hom bêre vir die dae wat ek op blommeplant moet konsentreer! 🙂
LikeLike
Desember 7, 2014 at 1:04 vm
Plesier Tania. EN moooooo’se groot dankie vir die inspirasie 🙂
LikeLike
Desember 7, 2014 at 6:04 vm
Maar net nog van jou awesome woorddisse wat weer en weer en meer en meer leessmaakgenot verskaf.
‘ek gee hulle blomme
want hulle sal uitkom waar hulle moet eendag’
Wat moet gebeur, sal gebeur…die ‘eendag’ wat jy aan die einde van die sin plaas, beklemtoon dit en die slot is weereens perfek geskryf!!!!
Die weer en weer geniet van jou skrywes maak dat ek altyd meer daarin raaklees of verstaan en dis vir my baie lekker om dele uit te lig, soos jy sekerlik al agter gekom het…ek leer elke keer iets. Baie dankie!
LikeLike
Desember 7, 2014 at 8:50 vm
DIt is ‘n groot plesier. Kan jy glo ek het net met Tania gechat in FB en toe se ke vir haar ‘sommige drome loop stadiger as slakke’ en toe inspireer my eie sin my en die gedig word gebore.
Tania was definitief my muse 🙂
LikeLiked by 1 person
Desember 8, 2014 at 11:06 nm
Hoera vir ons heksie Tania 😉
LikeLike
Desember 8, 2014 at 11:11 nm
Ja sy is nogal ‘n muse and then some 😉
LikeLike
Desember 7, 2014 at 9:44 vm
Ek hou van die stukkie…
“ek weet van drome wat stadiger loop as slakke
ek gee hulle blomme
want hulle sal uit kom waar hulle moet eendag”
** As ‘n mens glo en werk aan daai droom sal hy regtig daaruit kom, al vat dit lank….al lyk dit onmoontlik. Dis als in jou geloof en hoop vir daai droom. Want as die essence van die droom jou siel is en jy wil lewe van die vrugte…hou aan droom en werk aan dit
LikeLiked by 2 people
Desember 7, 2014 at 8:16 nm
Absoluut, Strandloper, dis wat ek ook glo. Ek het nooit opgegee nie,en het al vrugte gepluk van daardie glo.
LikeLike
Desember 8, 2014 at 1:36 nm
Dis goed om te hoor Wolfie
LikeLiked by 1 person
Desember 8, 2014 at 10:02 nm
Hoop se beendere tooi in die bloeisels van nuwe idees…gee mens soveel moed.Selfs uit dooie dinge kan goeie en nuwe dinge kom.
LikeLike
Desember 8, 2014 at 10:11 nm
Ek glo dit vasm, en dit is al bewys
LikeLiked by 1 person