Ek mis die lui-lui dryf in die Sunnyside Municipale Swembad
die Sondag vlooimark stalletjies in Esselen Straat
bioskoop loop by die Oscar en Village
kafee pies en tjips op die pavement
ek mis die goth clubs en Cafe Galleria dronkword
ek mis die lui van die NG Kerk klok op Sondae
ek mis Sunnypark inkopies toe die plek nog siel was
en jare se uithang en chat by die kunsmuseum
toe Sunny nog mooi was en memories
maak my seer as ek in jou strate afstap
dis vuil en Macdonalds burgerpapiere lê op
die sypaadjies soos vuil matte
mens vee hulle gatte
af aan die hart van ou Sunny
en ek wil saam op ‘n bankie sit met die dronk tannie
wat gesuip lê en haar pensioen seker opgesuip het
want Sunnyside het ‘n Zombieland geword
waar net lopende dood krioel
o, my hart wil net treur en spoel
want my Sunny is so dood…
haar Sunnyside up is nou ‘n downer in my hart
(c) 2015 allen simpson
ek gebruik aspris straat taal in my gedig vir ‘n slag
wolfshadowwhispers 
Februarie 14, 2015 at 5:02 nm
Ek het vroeg in die sewentigerjare vir vier jaar in Sunnyside gebly.Dit was so ‘n lekker studente- en jongmensplek.Vandag is dit ‘n hool…selfde pad geloop as Hillbrow.Jy het dit besonders verwoord,Wolfie!
LikeLiked by 1 person
Februarie 14, 2015 at 5:04 nm
Dankie Perdebytjie. Ek het in die 80s baie daar gaan kuier by my broer en in die 90s in Sunnypark gewer en vandaghet ek terug gedink aan die dae en sommer seer gevoel vir wat die plek geword het, toe moes ek dit uitskryf.
LikeLike
Februarie 14, 2015 at 5:12 nm
Ek kom tot die gevolgtrekking dat stede en woongebiede ook ‘n rakleeftyd het.Daar is jare van hoogtepunte en dan begin die verval…net soos mense wat oudword.Gelukkig is daar weer tye,waar opbloei en herstel weer plaasvind.
LikeLiked by 2 people
Februarie 14, 2015 at 5:27 nm
Is so. En weet jy daar is plekke wat net mooiers word met ouderdom ook soos Cullinen of plesieriger soos Hartebeespoort Dam area… Plekke soos hulle anker my.
LikeLiked by 1 person
Februarie 14, 2015 at 5:36 nm
Ou slumbuurtes van Londen is vandag blyplekke vir stinkryk yuppies.Sunnyside en Hillbrow sal weer daardie draai maak,seker net nie in ons leeftyd nie. 😆
LikeLiked by 1 person
Februarie 14, 2015 at 6:02 nm
hehehehehe beslis
LikeLiked by 1 person
Februarie 14, 2015 at 8:00 nm
Aaa, Sunnyside…waar ek van die balkon van my vooroorlogse woonstelletjie die leeus in die dieretuin teen die anderkantste bult kon hoor brul drieuur in die nag…
LikeLiked by 2 people
Februarie 14, 2015 at 10:06 nm
Dit was eintlik ‘n wonderlike plek ne
LikeLike
Februarie 14, 2015 at 9:02 nm
Ek hou van jou titel. Ons was ook gereeld by die vlooimark, slaproomys in Esselenstraat geeet en daar was ‘n bakkery wat die lekkerste baklava gemaak het. Ons het party Sondae spesiaal van Daspoort af gery net daarvoor!!!! Ja dis baie hartseer!
‘waar net lopende dood krioel
o, my hart wil net treur en spoel
want my Sunny is so dood…
haar Sunnyside up is nou ‘n downer in my hart’
LikeLiked by 1 person
Februarie 14, 2015 at 10:08 nm
Ja ek het net nostalgie gevoel oor die ou ou dae en moes dit uit dig. My digstyl is ‘n bietjie anders asook digtaal in die gedig… snaaks eintlik, ek het dit nie so beplan nie.
Ek dink ek weet van watter bakkery jy praat…. ek mis hom ook
LikeLiked by 1 person
Februarie 14, 2015 at 10:25 nm
Ja jou digstyl en -taal is anders as gewoonlik. Wys net hoe jou muse jou gelei het ne en hoe sterk jou mostalgie was!!
LikeLiked by 1 person
Februarie 14, 2015 at 11:03 nm
dankie 🙂 Ja ek dink dis so
LikeLiked by 1 person
Februarie 15, 2015 at 7:56 nm
Ek werk in Sunnyside, daar waar die swembad was. Dis nou n Goewermentsgebou, een van die suksesvollers. Ek shop nog in Sunnypark, dis nog n lekker plek. Daars te veel Pakistani supermarkies en selfoon winkels in Esselenstraat, en ek mis Claus Wasserthal. Maar verder is dit nog n lekker plek, net n anderster plek
LikeLiked by 1 person
Februarie 15, 2015 at 8:02 nm
Maar nie meer ‘n veilige plek nie en dis ‘n jammerte… en ek mis Meintjies straat se ou huise en die Oscar en Village Bioskope, en die vlooimark van destyds… en die gees wat daar was, dit was ‘n super vriendelike buurt
LikeLike