Graad Twee - 1980
Graad Twee – 1980

Die kind is nie blind nie
sy ogies rus net
sy visie is hom nie ontneem nie
dit kuier net erens

kleure het woorde geword
teksture wat se dat boombas bruin is
plant reuke wat se dis groen
‘n ma se sug wat haar gesig wys
‘n sug wat sê sy wens die kind sien

maar die kind sien
die kind is nie blind nie
sy ogies rus

(c) 2015 allen simpson

toe ek baie klein was (6 jaar oud) was ek in ‘n motorongeluk en te dankie aan die motorongeluk was ek blind vir ‘n paar maande. As julle op die foto kyk sal julle die litteken sien op my wenkbrou wat ek nogsteeds op my wenkbrou dra.

Die gedig word opgedra aan die blinde mense daarbuite, want te danke aan my eie blinde dae, weet ek bietjie van hulle wêreld.

Advertisements