en ons innerkind  sal dans in die wind
en ons innerkind
sal dans in die wind

Kom met my op die rug
van die somerwind
en vind jou innerkind

waar Elwe en wolwe jag
en woude het elkeen ‘n storie
wat op hout en klip vasgevang
is, in tale van wondersang

daar’s drake wat vlieg in die lug
prinsesse wat skinder oor prinse
en sug
en iewers onder ‘n vervalle brug
‘n trol wat hoop op ‘n nuwe dag

en jy en ek sal ingevleg lê
met minnesangers wat odes neerlê
en die swaard van legendes
smyt in die meer
en die hand van sy meesteres
sal die swaard gryp so teer

en ons innerkind
sal dans in die wind
op ‘n panfluit solo
van ‘n satier wat wink…

kom maak oop jou hart
laat twyfel jou nie tart
vir die wat glo
sal ‘n weg oopmaak
en jou siel se kind
sal in fantasie vry raak
kom met my….
vat my hand…

(c) 2012 allen simpson

Advertisements