het jy al gedwaal in die groen van ‘n woud
en in die mis die stemme hoor roep
het hulle jou al gelei na ‘n paddastoel kring
en geneem na die sidhe se vallei

het jy al gedans met Titiana
op die maat van Wyland se viool
en het die faeriemeisies jou betoor
met hul krone van wilger en eik

en daar in die sidhe se woud
lê die meer en daar is ‘n boot
wat sonder stuurman jou na Avalon sal neem
na Niniane se appel boord

en daar was ‘n swaard in ‘n steen
wat wag vir die Eens en Toekomstige Een
Excalibur glinster in die son
en die Faerieland wag vir hul koning…

stemme van die woud in die mis van misterie
roep die wat luister na die land van Faerie
vat my hand ek neem jou my lief
na die land verby die miswolke
waar ons sal dans en die swaard probeer toets
miskien is jy of ek die Een…

(c) 2015 allen simpson
gebasseer op Arthurian, Wicca, Witta en Celtiese legendes.

Titiana is een van die name van die Faerie koningin
Wyland verwys na die legende van Wyland die Smit van die Faerie
Puck is ‘n bekende poetsbakker Faerie wat selfs in Shakespear se Mid Summer Night’s Dream voorkom
Sidhe is ‘n ou Celtiese term wat Faerie beteken
Feetjies is stooi daarom gebruik ek die oud-Engelse woord Faerie

Opgedra aan Niniane Du Lac

Foto geneem deur Hanneliese Bredell

Advertisements