neem, eet my woorde
gepen uit my seer, my rou wonde
gebloei uit my lag, my onthou
my uitkyk op elke wonder
lees my en maak asof jy my ken
my gister bloedspore verstaan
sê vir iemand:
“Die ou dig goed”
of sê:
“Die ou dig kak”
Dis okay
jy ken nie my lang pad
vol doring en rose
maar as jy iets goed vind
wat ‘n gat in jou hart stop
uit my verse en rym
vat dit
want dit is al geskenk wat ek wil gee
myself
eerlik
kaal
maar geklee in kolletjies verse
diep gehaal uit my siel
neem, eet my woorde
my geskenk
vol dorings en vol rose
(c) 2016 allen simpson
Februarie 17, 2016 at 4:06 nm
Ek hou baie van jou woorde!!! Ek kan bitterbossie se kommentaar op my blog aan jou oordra ‘ ‘n kykie op ‘n digter se siel’ Jou woorde gee ‘n puik verduideliking oor waar ‘n digter en sy woorde vandaan kom!
‘neem, eet my woorde’
Presies wat ek met jou woorde doen en ek herkou soms lank 😉
‘my geskenk
vol dorings en vol rose’
Presies wat jy doen en jy skenk soveel!! Altyd ‘n genot, jou woorddisse, dankie my eie woordesjef 🙂
LikeLiked by 1 person
Februarie 17, 2016 at 5:07 nm
Baie dankie xxx ek waardeer jou, pers heks
LikeLiked by 1 person
Februarie 17, 2016 at 5:12 nm
Awwww dankie en ek jou xxx
LikeLiked by 1 person