2014-10-28 12.45.25

woorde…
wat soos suur frank vrugte om jou rank
wat so verrot is van die stank
wat brand deur jou bors
binne-in jou hart
wat jou siel sooibrand gee…

woorde…
my kind, is ‘n swaard waarmee dwase nie moet speel
dit het lewe soos ‘n virus wat
aanhou teel
en subtiel versprei…

as jy wil oordeel, leer om te bid
as jy wil skinder, doen dit op jou kniee
ken jou woorde, of drie maal keer dit terug…
en jy kan knak onder die gewig…

saai jou woorde in liefde, want
berou is te laat aan die anderkant…

(c) 2012 allen simpson

moenie skrik nie, net inspirasie…

Foto geneem deur Allen Wolfie Simpson

Advertisements