Wanneer winde waai en rotse breek
jaar na jaar ‘n bietjie skaaf
landskappe verander tot die beendere van die aarde uitsteek…

Wanneer die see haar waters terug trek
en soos die Kasteel in Kaapstad alles verder inland strek
en branders woordeloos skree na plek

Wanneer die son stadig die aarde brand
en droogte verdor die hart van die land
en lewe word stof en stof tot stof is alles

sal ons dan ook weet

dat liefde net so ook erodeer
haar fonteinwaters ontneem
en alles doodbrand tot as en stof

dat as ons liefde nie vul in ons harte nie
word ons klein, alleen
en niks…

waar selfs atome dit nie kan vind nie

(c) 2016 allen simpson

Foto deur Wolfie

mense, jammer ek het gister (of eergister as jy die eers more lees) belowe om nog fotos op te sit maar my dag was mal en ek moet die fots nog edit… hulle is oppad hoor!!!

Advertisements