Die liedjie ‘Horse with no Name’ deur America is oud. Hoe weet ek dit is oud? Want dit het ‘n paar maande voor my geboorte uit gekom. Baie mense interpreteer die liedjie op hulle eie manier en ek was lus om my spin op die lirieke te gee. Ons kyk eers na my spin op die liedjie, dan deel ek die liedjie met julle.

On the first part of the journey
I was looking at all the life
There were plants and birds and rocks and things
There was sand and hills and rings
The first thing I met was a fly with a buzz
And the sky with no clouds
The heat was hot and the ground was dry
But the air was full of sound

Eerstens lyk dit of ons karakter van die liedjie, kom ons noem hom Pietie op ‘n reis gaan. Dit kan ‘n metafoor wees. Soms kyk ons na onsself met nuwe oë, ons gaan in ‘n reis in ons self, om te ontdek wie en wat ons eintlik is. Pietie reflekteer dalk oor wie en wat hy nou regig is. Hy sien eweskielik die ‘lewe’ om hom, hoe lewendig die ‘lewe’ is. Hy voel die natuur, sien die plante, bome, rotse en dinge… Dan sien hy ‘n vlieg en die vlieg se zoem vat sy aandag vir ‘n oomblik. Die vlieg vlieg dalk op in die lug en daar is geen wolke nie. Dit is so warm, selfs die hitte brand ‘the heat was hot’ en die grond is droog, maw Pietie het op ‘n droog fase in sy lewe die refleksie begin. ‘the air was full of sound‘ Dalk raas Pietie se kop… of dalk hoor hy dat hy nie alleen is op die reis van refleksie nie.

I’ve been through the desert on a horse with no name
It felt good to be out of the rain
In the desert you can remember your name
‘Cause there ain’t no one for to give you no pain
La, la

Die woestyn kan ‘n metafoor wees vie die lewe en die perd ‘n metafoor vir probleme. Soms kan mens nie jou probleme ‘n naam gee nie. ‘It felt good to be out of the rain’. Pietie het te danke aan sy refleksie wat hy beleef uit sy depressie (reën) uit gekom. Depressie soos reën is iets waaroor mens GEEN beheer het nie, dit is soos ‘n see wat jy moet branderplank ry tot jy by die strand uit kom… As depressielyer is dit my oogpunt van depressie. ‘In the desert you can remember your name’ Pietie begin onthou wie hy is, ‘cause there ain’t no one for to give you pain’ Hy is in stilte, niemand kan hom seer maak nie, hy is op ‘n safezone in homself terwyl hy reflekteer.

After two days in the desert sun
My skin began to turn red
After three days in the desert fun
I was looking at a river bed
And the story it told of a river that flowed
Made me sad to think it was dead

Om terug te kyk in jou verlede in terwyl jy reflekteer is nie altyd lekker nie, ou pyn wat jy of ontvang het of uitgedeel het aan mense spook by jou, omvou jou ‘my skin began to turn red’.
‘I was looking at a river bed, And the story it told of a river that flowed, Made me sad to think it was dead.’ Die rivier bed laat my dink aan kanse, kanse wat Pietie gehad het en verbrou het en nou is daardie kanse dood. Een op ‘n tyd was daar soveel kanse maar dit is weg…

After nine days, I let the horse run free,
‘Cause the desert had turned to sea.
There were plants and birds, and rocks and things,
There was sand and hills and rings.
The ocean is a desert, with it’s life underground,
And a perfect disguise above.
Under the cities lies, a heart made of ground,
But the humans will give no love.

‘After nine days I let the horse run free’ Na nege dae het Pietie sy probleme (maw die perd) los gelaat. Hy het opgehou om sy probleme te voer. Hy het ‘n deurbraak bereik. ‘Cause the desert had turned to sea’ laat my dink dat hy die tipe deurbraak gehad het waar hy verantwoording begin vat het vir die dinge wat hy gedoen het waaroor hy spyt is. ‘The ocean is a desert with it’s life underground, And a perfect disguise above’ Tog is daar lewe na die foute wat mens in die lewe maak, soms vermom die oplossings hulle self en ons sien nie die oplossings nie al moer die oplosssing ons in die gesig… ons raak probleem-blind. Maar Pietie se oë is besig om oop te gaan en hy sien weer goed raak. ‘Under the cities lies a heart made of ground, But the humans will give no love.’ Die stede is dalk al Pietie se eienskappe, hy is ‘n plat op die aarde man, met ‘n aardse hart maar mense sien dit nie raak nie, hulle is te dom om Pietie lief te kry as persoon.

My slotsom:
Ons het Pieties in ons lewens wat worstel, wat probleme het. In plaas van om hulle net te sien as probleme, leer hulle ken, leer hulle aanvaar, sodat hulle ook kan besef daar is iets moois in hulle. Ons oordeel mense te maklik want ons is almal moeggoes.

Wel dit was ‘n analiese van die liedjie. EK sê nie dis waaroor die liedjie gaan nie, maar as mens enige song vat en dit luister met die hart kan ‘n mens wysheid ontvand en dalk maak dit van ons ‘n beter mens. Probleme is soms soos perde, ons voed hulle, ry op hulle en misbruik hulle. Gee jou perd rus, aanvaar dit is in jou lewe en soms sal dit weggaan. Moet nie van jou ‘perd’ ‘n obsessie maak nie. Soos ‘n alkoholis wat ophou drink en nogsteed sê: “Hello my naam is Pietie, ek is ‘n alkoholis’ kan ons ons perde name gee, en al bly hulle in ons lewe kan ons dit beheer.

dankie vir die saamlees en ek hoop my woorde gee iemand iets om oor te dink. Wees geseënd en wees ‘n blessing vir mekaar. Hier is die liedjie sê se video:

(c) 2016 Allen simpson
Liedjie se lirieke is die kopiereg eiendom van die skrywers en ek hoop hulle vergewe my uitleg daarvan 😉

Die foto is geneem te Kaapsehoop en is die alleen kopiereg van Allen Wolfie Simpson en Hanneliese Bredell

Advertisements