dis aand, 20:15, in my donker kamer
my kers dans skadus op my tafel
en beurtkrag bring stilte in my buurt
en buite disco die weerlig
en my selfoon is op sy laaste balkie
en sing ‘n Laurika, wat my
vertel, dat ek te dierbaar is
om seer te kry
en ek wonder of sy geweet het
haar liedjie praat net met my
en in die donkerte is geen afleidings
en jou brein is oop vir gedagtes
en gedagtes vat my terug
na – jy en ek, alleen
en die wyn op fort klapperkop
en in die donkerte speel die geheime
van gisters wat bioskoop in my kop
en ek mis die wyn en tabakzolrook
en die koraalboom by fort klapperkop
en ek wonder, onthou jy dit nog
(c) 2019 allen wolfie simpson
digtersnota:
2019/02/12 was daar beurtkrag en my foon se battery was so pap, dit was op sy laaste balkie. In die donkerte het ek gelê en dink en baie gedagtes was in my kop: Breyten Breytenbach se pragtige gedigte, Laurika Raugh se “Jy is te dierbaar om seer te kry” en Fort Klapperkop. Toe byt my muse my, steek ek ‘n kers aan en die gedig is gebore. Die vreeeslike lelike prentjie het ek daarna geteken. Ek kan nie teken nie, maar ek probeer. hahaha. Beurtkrag kan fantasties wees ook. Die gedig is ‘n produk van my verbeelding, maar ek het spesiale memories by Fort Klapperkop.
N.s. Die prentjie is ‘n homage aan Breyten Breytenbach se ‘Die Beginsel van Stof’ digbundel
Februarie 12, 2019 at 10:59 vm
“gisters wat bioskoop in my kop” – ek hou van die manier wat jy met woorde speel Wolfie en hierdie is ‘n helder beeld van wat deur jou gedagtes gaan. Pragtige gedig.
LikeLiked by 1 person
Februarie 12, 2019 at 11:01 vm
Baie dankie Hester. EK waardeep jou mooi kompliment. Ek moet se ek was verstom dat beurtkrag my so lekker kon inspireer! Wys jou net, soms hoef mens nie Eskom te vloek nie, hehehe
LikeLiked by 1 person
Februarie 12, 2019 at 11:11 vm
Haha, moenie vir Eskom vertel nie. Dis die digtersbrein wat die negatiewe so omtower in die positiewe.
LikeLiked by 1 person
Februarie 12, 2019 at 1:08 nm
Dankie 😉
LikeLiked by 1 person
Februarie 12, 2019 at 4:12 nm
Jy het die negatiewe van beurtkrag omskep in iets baie positiefs, Wolfie! Veral die stilte en rustigheid wat daarmee gepaardgaan.
LikeLiked by 1 person
Februarie 12, 2019 at 5:20 nm
Dankie bytjie 🙂 Of ons nou wil of nie beurtkrag is ons voorland vir die volgende paar maande, volgens wat ek gehoor het. Ons kan of kla, of dit geniet deur one eie innerlig te skyn in die donkerte. Ek sal maar skyn hehehehe (of probeer)
LikeLiked by 1 person
Februarie 12, 2019 at 5:35 nm
Ek het sulke pragtige Consulbottellampies wat met sonkrag werk. Dis mooi om na te kyk. Ek sit hulle aan en geniet die atmosfeer.
LikeLiked by 1 person
Februarie 12, 2019 at 5:36 nm
Ek dink ek moet ‘n paar aanskaf. Goeie idee.
LikeLiked by 1 person
Februarie 12, 2019 at 5:40 nm
Binne in het ek woestynsand gegooi en voëlvere, skulpies, mooi klippe en ystervarkpenne. Mens kan sulke oulik goed daarmee doen. Jy kan dalk ‘n prentjie van ‘n wolf daarin sit😄😄
LikeLiked by 1 person
Februarie 12, 2019 at 5:43 nm
Oooooh…. ek hou baie van die manier wat jy dink!
LikeLiked by 1 person
Februarie 12, 2019 at 5:44 nm
Sal bietjie foto’s opsit en blog oor die beurtkrag, wanneercek eendag weer lus is. Deesdae baie lui.
LikeLiked by 1 person
Februarie 12, 2019 at 5:45 nm
Sien uit daarna. Ek verstaan van lui wees. Ek was verlede week lui. Hehe
LikeLiked by 1 person
Februarie 13, 2019 at 1:07 nm
Ek kry so bietjie lag vir jou verduideliking hieronder. Maar die gedig praat met my ook. Herinneringe loop mos graag in die skemer en donker.
LikeLiked by 2 people
Februarie 15, 2019 at 10:49 vm
Baie waar. 🙂
LikeLike