Daar was ‘n tyd in my lewe wat ek 2 tot 3 boeke ‘n dag kon oplees. Ek het op ‘n Saterdag of Sondag ‘n Dean Koontz, Stephen King of Leon Van Nierop of drie gegryp en net gesit en lees. Toe kon die internet en DVD TV-Reekse en flieks en die lewe en steel my ‘boekwurmgeit’. Tegnologie het my beroof.
Ja, ek lees nog baie. Ek lees minstens 45 webwerfbladsye minimum as ek vir die vermaaklikheidsnuus webwerf waar ek werk wil artkels skryf, ek lees gedurig Wikipedia en soms verkoop ek my siel deur die nuus te lees (ek haat nuus, depresief, ek weet.)
Ek mis stories lees, die laaste storie wat ek gelees het was my eie een, maar ek wil ander se stories ook lees. Verder wil ek ook myself weer verloor in my blog vriende se pragtige stories. Dus begin ek ‘n uitdaging (‘Challenge’ vir die Afrikaners wat die woord vergeet het want hulle meng te veel hulle Engels en Afrikaans, ja ek praat van jou, jy wat jou oê vir my rol).
Die #LeesMetGees Uitdaging (seksie naam vir dit, ne) werk so:
- Ek gaan ‘n boek begin lees (Ek het Stephen King se Duma Key gekies).
- Ek gaan begin deur minimum 20 minute ‘n dag van die boek te lees. As ek meer tyd het, gaan ek meer as 20 minute ‘n dag lees.
- Ek gaan minstens een artikel ‘n dag (of meer) lees van ‘n blog en my vriende ondersteun.
- Ek gaan dan hier so gereeld as moontlik julle vertel hoe dit gaan met my uitdaging, en ek gaan ook blogadresse deel wat ek besoek het.
- As ek boek een (Stephen King se Duma Key) klaar gelees het, doen ek ‘n tweede boek.
- My mikpunt is om ten minste meer as 5 boeke klaar te lees in 2019. Dis ‘n klein mikpunt, ek weet want ek lees gewoonlik meer as 100+ boeke ‘n jaar.
As iemand saam met my wil #LeesMetGees is julle welkom. Kies julle eie boek of lees Duma Key met my. As julle wil noem op julle blogge dat #LeesMetGees my idee was, dit sal ‘n groot kompliment wees. Net as julle wil.
Die uitdaging vir my begin amptelik op 04 Mei 2019. Hou vir my duimvas en kyk uit na my verslag oor hoe ek vorder. Lekker lees wat julle ookal lees en #LeesMetGees. O ja, vertel my watter boek jy op die oomblik lees en wie dit geskryf het, miskien sit ek dit op my leeslys.
Groetnis,
Wolfie
wolfshadowwhispers 
Mei 4, 2019 at 6:32 vm
Ek ondervind dieselfde dilemma. Ek behoort aan ‘n leesgroepie en ek kom gladnie by my boeke uit nie, want ek is te veel besig op die internet. Ek gaan beslis jou uitdaging aanvaar, maar so in eie privaatheid. Ek lees tans(baie stadig elke aand omtrent tien minute lank) The Accidental Further Adventures of The Hundred-year-old Man deur Jonas Jonasson. Dis ‘n heerlike satiriese verhaal oor allerhande gebeure en politiek wêreldwyd. Die ou man ontmoet bv persoonlik vir Trump en Kim Yong Un. Eintlik so ‘n gek storie!
LikeLiked by 1 person
Mei 4, 2019 at 8:03 nm
Niks lekkerder as ‘n satire nie, behalwe Forrest Gump (Jou boek herhinner my daaraan.. ek is net al moeg vir die boks tjoklits quote) hehehehe
Dis heeltemaal reg om die uitdaging privaat te doen, dis net lekker om te weet iemand doen dit ook.
Ek gaan so nou en dan verslag doen oor my uitdaging. Het vandag al my eerste lees sessie weg. My dag was mal en ek kon dit eers vanaand 7 uur begin. My uitdaging is vol uitdagings waaroor ek nie beheer kan hê nie hehehe
LikeLiked by 2 people
Mei 4, 2019 at 8:42 nm
Ek lees darem elke aand so twee hoofstukke…gaan maar stadig!
LikeLiked by 1 person
Mei 4, 2019 at 8:49 nm
Ten minste lees jy. Dit is goed!
LikeLiked by 1 person
Mei 4, 2019 at 6:36 vm
Wolfie, dis ‘n wonderlike idee! Ek lees nogal heelwat deesdae, omdat ek vir Cum boeke resenseer. Ek dink nie dit wat ek doen, tel as resenseer nie, ek lees dit eerder vir myself en kom vertel daarvan op my blog.
In ons kinderjare moes ons 12 boeke per jaar in Afrikaans en Engels elk lees en in ‘n boekie opsommings daaroor skryf. Ag, ek het altyd vergeet van die opsommings, baie meer gelees as die 12, en aan die einde van die jaar in ‘n krisis vasgehardloop as ek my boekie met opsommings moes inhandig!
Nou ja, sterkte met jou uitdaging!
Toortsie
LikeLiked by 1 person
Mei 4, 2019 at 8:06 nm
Ek het nooit sulke uitdagings gehad nie maar op skool moes ons mondelings in die klas vertel van die boeke wat ons lees. My Afrikaanse klas was al moeg vir my want ek het amper elke keer ‘n Uile-boek van Cor Dirks of een van die Swart Luipers boeke (nie die fotoverhale nie) van Braam Le Roux gedoen in Afrikaans en in Engels meestal ‘n Wetenskapfiksie.
Dankie vir die sterkte. Ek waardeer dat my lesers rasieleier speel en my aanpor om nie te stop met my uitdaging nie.
LikeLiked by 1 person
Mei 4, 2019 at 9:41 nm
Nooit sal ons jou stop nie!
LikeLiked by 1 person
Mei 4, 2019 at 6:38 vm
Ek lees tans nie so baie storieboeke nie. Waarmee ek besig is:?’Bevryding van angs en bekommernis’, deur Bruce Wilkinson.
LikeLiked by 1 person
Mei 4, 2019 at 8:07 nm
In Bruce Wilkenson nie ook ‘n sanger nie. Die naam klink verskruiklik bekend.
LikeLiked by 1 person
Mei 4, 2019 at 9:43 nm
O ek weet glad nie of hy sing ook bie en if daar so ‘n sanger is nie. Hy skryf baie geestelike boeke.
LikeLiked by 1 person
Mei 4, 2019 at 11:19 vm
Dit klink na ‘n heerlike uitdaging Wolfie. Duma Key is een van my gunsteling Stephen King’s. Ek het dit al twee keer gelees. Geluister. Myne is ‘n audioboek. Ek gaan jou uitdaging aanvaar en inkorporeer in my Dagboek-series waarmee ek besig is.
LikeLiked by 1 person
Mei 4, 2019 at 8:12 nm
So ver geniet ek die boek. Ek het vandag my eerste lees sessie in. Stephen King het ‘n manier om jou vas te kettang aan sy boeke en jy kan net nie ophou lees nie 😀 Ek kan ook sien hoekom jy van die boek hou. Ek is ‘n paar bladsye in en hou al klaar van Freemantle as karakter.
AUdioboeke is wettig vir die uitdaging ook. As ek Duma Key kan kry in Audio boek sal ek meer van hom kan ‘lees’ in ‘n dag. Die belangrike ding van my uitdaging is net om meer literatuur in te neem, en of dit visueel deur lees of auditories deur geluister dit te doen is heeltemal wettig. Baie ander wat soort gelyke uitdagings as ek doen, doen dit ook.
Ek is bly jy doen ook die uitdaging op jou manier. Geniet dit!!!
LikeLiked by 1 person
Mei 5, 2019 at 11:35 vm
“A reader lives a thousand lives before he dies. The man who never reads lives only one” George R R Martin
Tegnologie of iets het my leesgierigheid ook beroof. Ek kon boek na boek verslind. My leesgierigheid het geleidelik verdwyn.
In Matriek het ek verlief geraak op Wilbur Smith se Courtney reeks. Ek kon wegraak in sy boeke. Onlangs is sy nuutste “Courtney’s War” gepubliseer en nou “King of Kings”
Ek het myself ‘n paar weke terug belowe ek gaan die Courtneys van vooraf begin lees want alhoewel ek al Wilbur Smith se boeke met tyd aangeskaf het, het ek nie al die Courtneys gelees nie. Ek is steeds besig met “When the Lion feeds” maar vorder stadig maar seker.
So onbewus van jou uitdaging Wolfie, het ek met my eie uitdaging begin 😁
Ek moet ‘n bekentenis maak, vir my as persoon is dit ‘n skande dat ek vir so lank al nie meer lees nie….net my eie lewe geleef het en nie meer die duisende lewens wat tussen woorde leef nie…
LikeLiked by 1 person
Mei 6, 2019 at 10:08 vm
Die lewe is verskriklik met ons deesdae. Ons is of so besig of vasgevang dat on vergeet om te lees. Ek het die uitdaging begin om dit te beveg en sover kry ek dit reg om ten minste 20 minute af te staan aan my boek.
Ek wil eendag nog Wilbur Smith lees. Een van sy Egiptiese boeke soos Rivergod (Ek dink dit is die titel.
Geniet jou lees uitdaging. x
LikeLiked by 1 person
Mei 6, 2019 at 5:25 nm
River God is die naam ja en nog vyf ander in sy Egiptiese reeks
LikeLiked by 1 person
Junie 14, 2019 at 3:55 vm
Hoe vorder jy met die leesuitdaging?
LikeLike