suur reën beloftes hang in die lug
en ek kyk deur gru trane na HAAR
HAAR are blou en gebreek
waar gras en blomme nie wil groei nie
op die pad stap ‘n dronkie en ‘fok jou’ my
en loop amper in ‘n taxikombi vas
‘n dwelm smokkelaar ‘hei bra’ vir ‘n kar
wat stop
nog ‘n sakkie wit sneeu wat ruil vir geld
suur reën beloftes hang in die lug
SY sug swaar as ‘n vliegtuig na erens
oor HAAR sweef soos ‘n staalvoêl
HAAR middestad so verrot
o Kempton Park JOU middestad
is ‘n verminkte meisie
niemand wil na HAAR kyk nie
HAAR skaamheid is geroes, stink, ashoop
die krake in die paaie roep
soos poorte na die hel
Wes Straat, Park Straat lyk soos ‘n Picasso
geherkonstrukteer deur ‘n psigopaat
Kempton Park, ek wil JOU verlaat
suur reën bars soos ‘n vrot granaat
maar selfs die storm
kan JOU nie was nie
JY is dood
(c) 2013 allen simpson
ek was onlangs in Kempton Park met vakansie en die toestand van die middestad het my hart gebreek.
My gedig is my manier om my hart te spreek. Ek kry al die goeie mense wat daar bly in die omstandighede so bitterlik jammer…
You said/ Julle sê