tussen die klap-klap van hout op die vuur
en flik-flik van die sterre in satynswart nag
tussen elke sekonde van elke uur
die spasies tussen woorde
tussen die knip van die oog
is daar altyd ‘n oomblik
jy leef daarin
tussen die ontstuimige seegolwe
en die kedoef van die hart
tussen geloof en glo
tussen heimwee en nostalgie
tussen en in
is daar altyd jy
jy leef daarin
in die tyd-ruimte kontinuum
is jy die konstant
en al is ek verlore in tyd
tussen dinosaurusse en oermens
is jy die lig in my kers
jy leef daarin
(c) 2015 allen simpson
You said/ Julle sê