Klei-lat speel en dammetjie bou
modderkoekies lê in ‘n tou
terwyl ons wag onder die bosveld son
vir die skoolbus om te kom
Kinders wat uitbundig lag
Buck Rogers speel tot in die nag
Goëlstories en spokery onder die maan vertel
en sterre kyk onder volmaan se spel
Kinders was vrolik, vry
maar die tyd is nou verby
vasgevang in PlayStation en tegnologie
te vroeg ryp, te vroeg vrot, teveel televisie
As ek net weer ‘n kind kon wees
om kinders vandag te wys hoe om te leef
om lag terug te bring
en die magiese krag
van modder
en om regtig te kommunikeer
sonder knoppies druk
sal hulle verstik?
of sal hulle leer om te leef?
Vooruitgang is soms ‘n siek grap
as kinders vergeet om in gras te trap
as kinders vergeet van koljander, koljander deur ‘n bos…
kind wees het oumens geword
voor twintig jaar oud
weet hulle te veel en leef hulle te min
waar is die kindwees heen….
(c) 2014 allen simpson
April 25, 2014 at 7:34 nm
‘waar is die kindwees heen…..’
So, so waar wat jy hier se. Vandag se kinders weet nie wat dit is om regtig te speel en vuil te word nie!
Al daai lekker speletjies, klippie skool, vrot eier, hasie se ore, bok in die hok, onder die meid se boud, blik as paai, hop scotch, stretcher en nog baie meer….
LikeLike
April 25, 2014 at 8:46 nm
Ja, ek mis dit…. as ek nou ‘n kind moet sien enige van die speletjies speel sal ek my hoed opeet (ek het nog ‘n hoed maar hy is nie so mooi soos die een wat weg is nie
LikeLike
April 25, 2014 at 10:37 nm
hehehehe….die gedagte kom dadelik by my op, maar jy het nie ‘n hoed om te eet nie….. ;D toe antwoord jy 😉
LikeLike
April 26, 2014 at 6:47 vm
ja, my ander hoed… is net ‘n gewone gaga hoed,maar ek sal hom eet
LikeLike
April 25, 2014 at 10:48 nm
Begin solank ‘n sosie maak vir daai hoedete! By ons skool speel die kids graag vroteier én hop scotch en soms koljander koljander ook! Gaan loer tog bietjie na my video op ons skool se blad toe man?? Jy is so besig met ander goeters dat ek seker is jy mis my goed, maar in daardie video sal jy sien hoe lekker ons speel! Wel ek moes daardie dag kamera vashou so ek het uitgemis. Draai die klank net bietjie af, want ek praat te naby en hard by die mikrofoon.
LikeLike
April 26, 2014 at 6:48 vm
ek sal gaan loer 🙂
LikeLike
April 25, 2014 at 11:29 nm
O ja, ek hou van jou rympatroon 😉
LikeLike
April 26, 2014 at 6:49 vm
dankie 🙂 meer tradisioneel vir ‘n slag
LikeLike