In ‘n sogenaamde kwarentein is daar min wat mens kan doen, so ek het uit my duisende boeke in my boekrakke ‘n paar gegryp en gelees en ook een of twee e-boeke. Ek wou al lankal #LeesMetGees gedoen het op my blog maar my werk, my lewe en ander goete het my weg van boek lees gehou. Ja, ek het baie gelees maar dit was vir my werk. Toe kom Corona en sif haar gif op die planeet en wel, toe herondek ek lees.
Gewapen met boeke, ek en my beste vriend, my worshondjie het ons op ‘n rusbank gesit in ‘n koue kamer (ons huis sien so min son dit voel soos die Suid-Pool hier), het ek begin verlore raak in boeke soos Stephen King se Duma Key, Koning van Katoren van Jan Terlouw (wat ek laas as voorgeskrewe boek gerlees het in Standard 8 in Hollands nogal), Breyten Breytenbach se Beginsel van Stof (wat ek seker vir die sesde keer lees) en Abraham Lincoln, Vampire Hunter deur Seth Grahame-Smith. Verder het ek ook soms agter my rekenaar gesit en e-boeke gelees.
EK sal ‘n paar liggies behandel in die weke wat kom en julle vertel waaroor dit gaan. Het julle ook lekker gelees in die ‘gevangenis’? Wat het julle gelees? Watter van die vier boeke hierbo moet ek julle van vertel, eerste?
O, en dankie aan my vriendin Stefanie wat die mooi dinosaurus prentjie vir my geteken het.
Augustus 22, 2020 at 5:31 nm
Dis die vreeslikste ding wat my getref het gedurende lockdown Wolfie. My leeslus het weggeraak. Ek het nog agt boeke op my kindle waaraan ek nog nie geraak het nie. Ek het biblioteekboeke gaan uitneem en twee gelees, baie langtand (“Voor ek vergeet” van André P Brink en “Tabernakel” van Annelie Botes). Die ander lê nog onaangeraak. Ek het boek na boek bestel op Libby en almal teruggestuur sonder om hulle te lees. Wat wel gebeur het is dat ek begin musiek luister het en al die lirieke uit my kop geleer het. Rock&Roll, Blues, Folk. Ek trek nou by Neil Diamond en luister nog steeds. Sing elke woord saam. Ek hoop my leeslus keer terug. Ek het Duma Key van Stephen King baie geniet – al ‘n paar keer gelees. Die ander boeke wat jy genoem het, ken ek nie.
LikeLike
Augustus 22, 2020 at 6:22 nm
Ai Hester, ek verstaan. As mens se moreel af is is dit moeilik om te lees. Die lockdown het ek 4 boeke gelyk begin lees om my te help. Elke een vir ‘n verskillende bui waarin ek was. Ek het ook baie Viking Folk geluister en die musiek het my help ontspan. Ek het by goodreads aangesluit te danke aan Net Ek wat my uitgenooi het en het gevind dat om resensies daar op boeke te skryf, terapetiese is en het al oor die 25 boeke oor resensies geskryf en nou lees ek lekker want ek word aangespoor om oor boeke resensies te doen. Ek is amper klaar met Koning van Katoren en Duma Key en ek moet se Duma Key raak net beter en beter. Ek hoop jou leeslus kom terug!!!
LikeLiked by 1 person